ماذا يعني أن تكون مسعفا … في الاراضي المحتلة ؟

كتب المسعف في الأراضي المحتلة عطا جبر:

#شئٌ_من_الأمل❤️
انو تكون مسعف بالطوارئ
شو بيعني
بيعني انو ماتنام أبداً
يعني انو تضل اخر الليل سهران وانت سعيد لانك جاهز
تساعد حدا
يعني
بتضل عم تشتغل وأنت بتعرف أنو عم تتعب كتير ع حساب صحتك
انو اول ما يوصلك البلاغ بتكون بالسيارة
انو تكون صايم واول لقمة بدك تفطر تجيك حالة إسعاف
انو بالاعياد والمناسبات تكون مناوب
وبيوم الجمعة مناوب
ووقت الناس تكون نايمة انت تكون سهران
انو تفرح لما تساعد حدا بحاجة
وتزعل ع طفل صغير مجروح ويبكي بحضنك
واحيانا يدمعو عيونك لما ام تدعيلك من قلبها
بيعني انو رغم كل الضغط اللي عليك بس انت مبسوط
بيعني انك مسعف
كتير امور بتعني انو تكون مسعف بالطوارئ…..

من القلب للقلب شكرا للجنود المجهوله
الطواقم الطبية العظيمه في جميع انحاء الوطن ❤🇵🇸

رحم الله الشهداء
الشفاء العاجل للجرحى البواسل
الحرية لاسرى الوطن 🙏🏻❤️
#GazaUnderAttack
#savesheikhjarrah
#palestineunderattak