العربي المستقل
هذا ما كتبه المعلق الرياضي محمد كركي على صفحته الشخصية على فايسبوك، تعقيباً على سوء تقنية نقل المباريات في ظل غياب جماهير كرة القدم عن الملاعب:
بدي احكي هالكلمتين بكل صدق وضمير
وبعرف انو هالكلام رح يضرني كثير بشغلي وفهمكم كفاية..
يا جماعة يلي عم بيصير بالفوتبول ونقل المباريات هالموسم هو كارثة كثير كبيرة بحق المشجعين واللعبة ..
طيب يا خيي ويلي ما عندن انترنت ويلي ما عندن فيسبوك او يوتيوب شو بيعملوا !!
مبارح عثلاث مباريات كانوا بنفس التوقيت بتلاقي بكل مباراة اكثر من ١٠ الاف مشاهد !
يعني وقت يكون في قرار لمنع الجمهور من الواجب تأمين افضل طريقة حتى المشجعين يتابعوا مباريات فرقهم المفضلة
بوقت في قناتين عم يتقاتلوا على الباسكيت وعم نشوف فض عروض وتناحر نحن جماعة الفوتبول ولعبة المعترين حاملين ايرفون موبايل وعم نجرب ننقل اقوى المباريات باقل الامكانيات حتى نعوض هالغياب ..ليش مش عارف !!
ومع قناعتي بانو اذا اجتمعت كل اللعب الجماعية بالبلد من basketball و volleyball وغيرها من العاب ما بيطلعوا قد شعبية الفوتبول اللبناني يلي بيستحق افضل تغطية
هيدا الكلام عم قوله بكل ضمير ويلي بدو يزعل اخر همي 😘😘
